/101/ et operationem cadit, nam ens
est, et omne ens a primo ente ducit originem,
ut habetur in 12. Metaphysicorum et primo De
coelo.
EXERCITATIO XV
Continet refutationem secundi argumenti.
Secundo argumento, quod tale est,
Deus peccatis non occurrit neque
medetur, illorum igitur auctor et effector
dici poterit, respondeo falsam esse consecutionem.
Ad probationem: Christiana religione
compellimur scelera prohibere ubi possumus,
alias peccati reatum incurrimus. Sic Deus
non avertens et prohibens peccatum, cum
possit, ipsius auctor dicetur.
Respondent communiter Doctores Deum,
in servando homines a peccatis, non minus
praestare quam quod creatura praestare tenetur.
Haec enim, divinae legis praescripto, cogitur
proximum corrigere, ita tamen ut liberum
eius arbitrium minime laedat. Ille, per
Sacram Scripturam, per sacerdotes suos in
terris vicarios, exorbitantes in verum tramitem
reducere et a pravis operibus ad sanam
mentem reflectere conatur, salvo tamen
Indice
|
Pagine introduttive |
|
EXERCITATIONES |